- Helburua: triangelu baten aldeei erreparatuz, sailkapena egiten jakitea
- Egitekoa:
- Ariketa honetan, triangeluak aldeen neurrien arabera sailkatuta daude.
- Goiko laukian agertzen diren hiru motak kontuan izanda, behean dituzun zuzenkiekin sortu triangelu ezberdinak eta sailkatu goiko moten arabera.
- Frogak egin ostean definitu zer den triangelu aldekide bat, zer den triangelu isoszele bat eta zer den triangelu eskaleno bat.
- Begiratu sortu dituzun triangelu horiek eta frogatu hurrengo esaldia zuzena den: "Edozein triangelu hartuta, horren bi alderen neurriak batzen baditugu, beste aldearen neurria baino gehiago lortuko dugu."
Triangelua eta bere angeluak
- Helburua: triangelu baten angeluen batura zein den ikastea eta angeluen arabera triangeluak sailkatzea.
- Egitekoa:
- Mugitu ezazu, "mugitu" puntua eta frogatu zenbatekoa den triangelu baten angelu guztien batura.
- Eraldatu ezazu bertan agertzen den triangelua (horretarako puntu urdinak lekuz mugitu) eta ostean, berriz ere "mugitu" puntua garraiatu eta begiratu ea zenbatekoa den orain angeluen batura. Zenbatekoa da?
- Nahi izan dituzun eraldaketa guztiak egin eta gero, esan hurrengo baieztapena egia edo gezurra den: edozein triangeluaren angeluen batura 180ºkoa da.
- Ariketan ikasi duzunarekin esan hurrengo esaldiak EGIA edo GEZURRA diren:
- Triangelu baten angeluak kontuan hartzen baditugu, hiru triangelu mota daude: zorrotza, kamutsa eta zuzena.
- Triangelu zuzena izateko, bere angelu guztiak 90º baino gutxiagokoak izan behar dira.
- Triangelu bat kamutsa izateko, hiru angeluetatik, bat kamutsa izan behar da.
- Triangelu zuzen batek 90ºko angelu bakar bat dauka
- Triangelu bat zorrotza izateko hiru angeluak 90º baino gehiagokoak izan behar dira. - Behar dituzun froga guztiak egin eta gero, jakingo zenuke hiru triangelu motak definitzen? Zorrotza, zuzena eta kamutsa.
Ariketa honen ideia hurrengo estekan duzu: https://www.youtube.com/watch?v=MKZPYpu4LbM
iruzkinik ez:
Argitaratu iruzkina